Sjaldséðnir hvítir,,,,,,,,,

Hæ hæ, ég hef bara gleymt að blogga síðan ég gerðist facebookháð   Lífið gengur sinn vanagang. Ég er svo þakklát fyrir það, fráhaldið mitt er í algjörum forgang. Það sem það hefur gefið mér er ómetanlegt. Ég fæ að vera öðrum til hjálpar, vera sjálf í kjörþyngd, vera í góðu (stundum misgóðu) sambandi við minn guð, borða alltaf yndislegan mat og alveg nóg af honum  

Nú er ég farin að labba reglulega með gönguhóp frá Útivist, hver hefði trúað því????

Ég er hamingjusöm, glöð og frjáls

Knús.

Elsku Þöll mín, blessuð sé minning þín.

Mikið rosalega er það erfið ákvörðun, að þurfa að láta svæfa kisuna sína. Hún Þöll mín var bara litla stelpan mín. Hún var komin með krabbamein og orðin mjög veik.

Það er svo skrítið samt hvernig þetta virkar þetta líf. Ég var að tala við vinkonu mína á sunnudaginn og hún lýsti því fyrir mér hvernig hún og fjölskyldan hennar fóru í gegnum það, þegar það þurfti að svæfa hundinn þeirra. Þau notuðu aðferð sem þau nota mikið, sem er hugleiðsla. Þegar ég var búin að tala við hana fór ég á fund, og ég sat allan fundinn og hugleiddi og sendi Þöllinni minni ljós. Og viti menn ég gat tekið þessa ákvörðun.

Ég er alveg sátt og veit að hún er komin á miklu betri stað þar sem henni líður miklu betur.

Samt er þetta svo sárt.

Elsku Þöllin mín takk fyrir allt það góða sem þú gafst mér. Þú kallaðir fram það allra besta í mér.

Ég elska þig óendanlega mikið. Hvíl í friði

Síðasta fermingarveislan á þessu ári !!!!!!!!!!!!!!!!!!!!!!!!!!!

Jæja þá er veislunum lokið á þessu vori. Var í fermingarveislu hjá henni Sól minni sem á heima hérna uppi. Hún er búin að vera heimagangur hér frá því hún fór að hreyfa sig þessi elska

Ég upplifði gífurlegt frelsi í veislunni. Alveg laus við að gúffa í mig öllum kræsingunum. Skellti vigtinni upp á borð og svo þegar aðalrétturinn var borinn fram fór ég og náði mér í kjöt og helling af salati, vigtaði það. Það vantaði upp á salatið þá náði ég í boxið mitt með salati og bætti uppá, svo var ég með mína fitu. Svo kom eftirrétturinn, þá tók ég upp næsta box með yndislegu kímkökunni minni

Ekki hægt að hafa það flottara.  Fór auðvitað á hádegisfundinn og fékk að heyra það sem ég þurfti að heyra. Ég er á einhverju fundaflippi þessa dagana, sem er bara gott

Kærleikur til allra

Leyndarmálið,,,,,,,,,,,,

Ég las bókina Leyndarmálið hér um árið, sem er kannski ekki í frásögu færandi. En eftir að kreppan skall á hef ég algjörlega tileinkað mér þennan boðskap sem er í bókinn. Til dæmis varð maðurinn minn atvinnulaus og ég að hluta til, ég ákvað að ég skyldi ekki detta niður í eitthvað svartnætti og trúði því statt og stöðugt að ástandið myndi lagast. Ég tala alltaf um "þegar ég fæ nýju börnin" en aldrei "ef ég fæ börn"  Núna er ég komin með 4 börn á mjög stuttum tíma

Ég er líka svo ótrúlega heppin að þekkja og lifa í 12 sporunum. Sem er náttúrulega bara gjöf frá Guði.

Ég er mjög þakklát fyrir mitt líf í dag.

Kærleiksknús

Yndislegir dagar.

Það hefur verið þannig í gegnum tíðina að frídagar hafa verið svo fljótir að líða. En þessi páskahelgi er búin að vera svo löng. Ég trúi því að það sé af því að ég er búin að vera svo afslöppuð. Við hjónin erum búin að fara nokkrum sinnum út í göngutúra og vera svo bara tvö saman í rólegheitum.

Samt er ég búin að gera helling þegar ég fer yfir helgina. Var með þrjú matarboð, búin að fara á tvo fundi.

Það er bara svoleiðis, þegar ég er í góðu jafnvægi og er í góðu sambandi við minn æðri mátt og mitt innra sjálf þá er allt annað hjóm eitt.

Eigið yndislega daga.

Kærleiksknús

Gleðilega páska :o)

Jæja þá er komið páskafrí, sem betur fer. Ég er eitthvað svo þreytt   Hef ekki nennt að hreyfa mig eftir að ég kom úr ræktinni í dag. Held að ég sé orðin svona langþreytt eftir að vaka of lengi frameftir og hanga á facebook   Þetta er eitthvað sem ég verð að taka á.

Þess vegna ætla ég að fara að sofa NÚNA. Góða nótt allir saman.

Gleðilega páska

Hæ

Ég er búin að vera frekar andlaus undanfarið,,,, veit ekki hvað það er. Þessi vika er búin að vera góða að því leit að við erum komin með ný börn í aðlögun. Er að passa tvo stráka sem systurdóttir mín á, og það sem er svo skemmtileg er að ég var að kynnast mömmu þeirra í gegnum facebook.

Svona er þetta bara í minni fjölskyldu, ekki mikil tengsl. En ég er búin að endurnýja sambamdið við hálfsystir mína eftir mörg, mörg ár og hitta þrjár dætur hennar. Og er sem sagt búin að fá tvö barnabörnin hennar í pössun. Svo var einn 11 mánaða gutti að byrja í dag.

Þetta lofar góðu  

Ég er að fara við jarðarför á morgun og var í einni 3 mars, þar vorum við einmitt að ræða það frændfólkið að líklegast myndum við hittast næst í næstu erfidrykkju, ég bjóst ekki við að það yrði svona fljótt. 

En svo eru nú fermingar framundan. Ein fjögur stykki, takk fyrir  Mig hlakkar svo til þess.

Jæja læt þetta duga núna.

Kærleikur til allra

Yndislegur dagur :o)

Er þetta ekki dásamlegur dagur sólin skín bæði úti og í hjarta mínu  Búin að vera að gera í morgun það sem mér finnst svo skemmtilegt, hjálpa öðrum. Það er svo dáslamlega gefandi og nærandi. Ég er bókstaflega í skýjunum.

Nú ætla ég að fara í kaffi til mömmu og kíkja á nýju kærustuna hans bróðir míns. Við erum báðar spenntar fyrir því að hitta hvor aðra. Ég ætla að taka minn æðri mátt með mér því ég er pínu kvíðin, veit eiginlega ekki af hverju   Ég er búin að taka ákvörðun um það að þessi dagur verður bara yndislegur.

Kærleikur til allra

 

OK, ég ét það ofan í mig :(

Jæja ég verð víst að éta ofan í mig gorgeirinn í gær, ég var bara svo viss um að þeir myndu vinna leikinn Maður verður líka að hafa trú á sínum  mönnum, ekki satt?

En að öðru, ég fór í Þjóðleikhúsið í gærkvöldi að sjá Hart í bak, alveg stórskemmtileg sýning. Svo finnst mér svo mikill klassi yfir Þjóðleikhúsinu, svo gamalt og kósý. Miklu hlýlegra heldur en Borgarleikhúsið, samt fer ég miklu oftar þangað. Við erum nefnilega mjög dugleg að fara í leikhús hjónin, og ég fer líka reglulega á tónleika og söngleiki, hann er ekki eins mikið fyrir það

Ég var í kirkjukór þegar ég var lítil stelpa, og það var alltaf farið í leikhús einu sinni á ári. Held meira að segja að það hafi verið ásæðan fyrir því að ég var í kórnum   Kannski er það þess vegna sem mér finnst svona gaman að fara í leikhús.

Kærleikur til allra

Hláturinn lengir lífið,,,,,,,,,,,,,,,

Mikið rosalega hló ég mikið í gærkvöldi, fór að sjá "Sanleikurinn"  með Pétri Jóhanni, algjör snilld

Það var allur salurinn í krampakasti yfir honum, hann er svoooooo fyndin drengurinn.

Svo er ég á leiðinni í Þjóðleikhúsið í kvöld að sjá, Hart í bak. Bara menningarpakkinn tekinn á einni helgi

En stóra stundin er að renna upp MAN UTD - LIVERPOOL.  Og það er engin vafi hvernig þessi leikur fer. Að sjálfsögðu vinnur Man Utd.  vonandi þarf ég ekki að éta þetta ofan í mig.

Svo ég segi bara  Áfram MAN UTD