Blogg leti,,,,,,,,,,,,,,

29.9.2008 | 23:46

Er búin að vera löt að blogga.
Átti mjög góða helgi, sótti mömmu á laugardaginn og fórum við á Selfoss að skoða nýju íbúðina hjá Esther og Boggu.
Aldeilis munur hjá þessum elskum að vera komnar í stærra húsnæði.
Maður þarf ekki að fara út til að skipta um skoðun eins og í hinni íbúðinni :o)
Síðan tókum við á okkur krók og keyrðum út á Eyrabakka og fórum svo Þrengslin í bæinn. Mamma var svo ánægð með daginn. Hún lifir á þessu næstu vikurnar þessi elska.
Nú á sunnudaginn fór ég á fund eftir hádegi, náði svo í karlinn og við heimsóttum mág minn og svillkonu. Ákvað að ég yrði að ná karlinum aðeins út svo hann myglaði ekki hérna heima.
Ég sem sagt var búin að ákveða fyrir hann að hann yrði að komast út, þar sem við værum að vinna heima. Hann kom auðvitað með mér en sagði mér það pent að sér liði mjög vel heima hjá sér :o)
Það er sem sagt ég sem er algjört þeytispjald og skil það eðlilega ekki hvernig er hægt að hanga heima hjá sér í heila viku.
Jæja núna verð ég víst að fara að sofa. Þangað til næst, góða nótt og bæjó.

Flokkur: Bloggar | Facebook