Orðin hress,,,,,,,,,,,,

Jæja fyrsta flensan yfirstaðin,,,,,,,,,,, börn og dagmóðir búin að lyggja.
Allir hressir í dag og 9 börn mætt :o)

Ætla að slappa af í kvöld. Á morgun er það svo góðverk vikunnar, fer á Selfoss og ætla að taka mömmu gömlu með. Dóttirin og tengdadóttirin voru að flytja og það vantar múttu til raða og svoleiðis.

Er búin að búa til hádegismatinn minn og þá er allt klárt. Bíð svo mömmu í kvöldmat eftir ferðina.

Núna er bara að fara og glápa á imbann. Eigið gott kvöld. Bæjó.

Hva við erum best í öllu,,,,,,,

Af hverju að furða sig á því að við skulum eiga tvær af bestu myndunum, við erum best í öllu ekki satt

Jæja þá er frúin komin AFTUR með flensu. Hiti, höfuðverkur, beinverkir og magaverkur Er ekki að nenna þessu. Var farið að hlakka svo til að hitta yndislegasta fólkið í kvöld

Dagurinn var samt ágætur, krakkarnir voru allir eitthvað svo rólegir og þau voru bara eitthvað löt.

Sem var mjög gott fyrir lassarus eins og mig

Ætla að fara að reyna að leggja mig   Góða nótt

 

Bestu myndirnar eru íslenskar

Ráðstefnulok.......

Það er alveg rosalegt að hlusta á suma tala um líf sitt fyrir lausnina.
Það var náttúrulega fyrsta lausnin í mínu lífi að fatta áfengi og hvað það gerði mig frjálsa og sjálfsörugga. Konan sem ég var að hlusta á í dag er búin að vera edrú í 35 ár og sagan hennar var rosaleg, en samt erum við eins, hún talaði einmitt mikið um það að hún þyrfti að gera nákvæmlega það sama og sá sem er "bara" búin að vera edrú í stuttan tíma, sem er að vinna prógramið.
Maður verður nefnilega að gefa líka ekki bara þyggja. Það sem ég hef öðlast í samtökunum er algjörlega nýtt líf. Ég myndi ekki vilja fara aftur í það gamla. En þá verð ég líka að rækta samband mitt við minn æðri mátt og nota öll verkfærin sem ég fæ til að geta átt svona gott líf.

Jæja að öðru, bauð krökkunum mínum í mat í kvöld. Sonurinn kom með nýju kærustuna. Ábyggilega ágætis stelpa. Ég er nú búin að kynnast nokkrum stelpum sem hann hefur komið með. Svo er bara að sjá hvað þetta endist hjá honum blessuðum.

Jæja vinnudagur á morgunn. Góða nótt.

Trambólín hvað

Svo er verið að kvarta hér á klakanum yfir 30-40 metrum á sek. Hvað með það þó svo að nokkur trambólín fjúki eða nokkrar þakplötur.

 

Er alveg að springa úr hamingju með ráðstefnuna Það er svo gott að hlusta á þessa erlendu speakera. Var alveg búin að gleyma hvað það er gott að fara á speakerfund. Það er allt of langt síðan ég fór á svoleiðis fund.

Er eiginlega bara að stimpla mig aftur inn í samtökin eftir smá hlé.

Hlakka til að vakna í fyrramálið og fara á ráðstefnuna.

Þangað til næst, góða nótt og bæjó

Mikil neyð barna á Haítí

Frábær ráðstefna,,,

Það sem var tekið fyrir á ráðstefnunni í kvöld var 1,2 og 3 sporið. Alveg frábært að rifja þetta upp. Svo var speaker frá Ameríku, hann var alveg frábær. Það er svo merkilegt að það er alveg sama hversu ólík við erum, maður nær einhvern veginn alltaf að tengja sig.

Ég er mjög spennt fyrir morgundeginum, þá á að fara í 4,5,6,og 7 sporið og svo verður farið í 8,9,10,11 og 12 eftir hádegi.
Annað kvöld verður svo annar speaker að utan. Þetta er mjög spennandi.

Sá sem sá um sporavinnuna í kvöld var með 5 mínútna hugleiðslu bæði í upphafi og í lokin, það fannst mér alveg dásamlegt.
Jæja þá er best að fara að leggja sig svo maður verði hress í fyrramálið.
Þangað til næst, góða nótt og bæjó.

Hvaða glæpamenn eru þetta,

Hvernig má það vera að tryggingar geti hækkað um 100.000 kr á milli ára.  þvílíkur glæpur ég bara skil þetta ekki.  Maður verður bara brjálaður þegar maður sér svona fréttir.

 

Tryggingar hækkuðu um 100 þúsund

Hamingjusöm ofæta.

Ég er alltaf að finna það betur og betur hvað nýji lífstíllinn minn er að gera mér gott. Það eru komnir 20 mánuðir síðan ég tók út viss kolvetni, t.d sykur, hveiti, kartöflur, pasta, hrísgrjón og fleira.
Ég var alveg viss um að það væri ekki hægt að hætta að borða þetta og alls ekki sykur.
Auðvita komu allskonar fráhvarfseinkenni en þegar það var búið var eins og þungt hlass færi af mér.
Ég upplifði mjög fljótlega mikið frelsi sem felst í því að þurfa ekki alltaf að vera að spá í hvað maður eigi nú að fá sér næst og hvað sé til upp í skáp.
Ég er svo mikill fíkill í sum kolvetni að ég get ekki hætt ef ég byrja að borða þau.
Það sem mér finnst líka svo frábært er að það er vísindalega sannað að matarfíkn er sjúkdómur, ekki bara aumingjaskapur. Það er ekki nóg að segja mér að borða minna og hreyfa mig meira, ég er búin að reyna það. Það virkar fyrir suma en ekki fyrir matarfýkil, við þurfum aðra lausn og hana hef ég fundið í GSA og í sporunum.
Mér finnst maturinn minn bara fallegur og æðislega góður. Og það er alltaf önnur máltíð á leiðinni.
Núna lifi ég bara fyrir einn dag í einu. Er í góðu vitundarsambandi við minn æðri mátt.
Langaði bara að tala um þetta núna. Þangað til næst, góða nótt og bæjó

Prjóni prjóni,,,,,,,,,,,,,

Jæja þá er skvísan sem sagt byrjuð í prjónaklúbb,,,,, og viti menn það var sko prjónað :o) Við vorum tvær sem byrjuðum, vonandi koma fleiri næst. Ekki það að þetta var alveg yndislegt kvöld þó svo að við værum bara tvær.

Það er svo rólegt hjá okkur í vinnunni, það var 50% mæting í dag. Sem sagt bara 5 börn. Hin eru veik. Haustið sem sagt komið með öllum sínum flensum. (og rigningu)

Þá verð ég bara að vera dugleg að taka sólhatt og lýsisperlur.
Þangað til næst, bæjó

Góð og slæm helgi,,,,,,

Slæm af því að Man Udt töpuðu fyrir Liverpool. Það er eitt að tapa, en að tapa fyrir Liverpool er skelfilegt.

En svo var helgin frábær af því að ég og vinkona mín fórum í sumarbústað með dætrum okkar. Það var alveg yndislegt.

Það er svo skrítið að þó svo að maður fari ekki nema í sólahring út úr borginni, burt frá öllu áreiti þá finnst mér ég alltaf hafa verið svo lengi að heiman. Það er kannski af því að minn heittelskaði var heima og litlu kisurnar mínar líka.

Bíð öllum góða nótt. Þangað til næst, bæjó.

Flensuballið byrjað..................

Jæja þá er það byrjað :o( Var að vona að ég hefði fengið minn skammt í vetur.
Var alltof oft lasin í vetur að mínu mati. En sem sagt nú er ég komin með einhverja lumbru,,,, hálsbólgu og hita.

Djö.... gátum við ekki unnið skotapylsin :o(

Gáfulegasta sem ég myndi gera núna er að fara að sofa, svo ég geti tekið á móti 10 litlum krílum í fyrramálið.

Þangað til næst, góða nótt og bæjó.

Geeeeðveikt stuð.........

Ég hef ekki skemmt mér svona vel lengi, lengi ég fór á Mamma Mía Sing-a-Long
í kvöld, með mömmu gömlu og Eygló systir,og vitið þið þetta var geggjað.
Allir sungu með, dönsuðu og klöppuðu, það var meira staðið í bíóinu heldur en setið. Mamma er alveg í skýjunum yfir þessari bíóferð. Ég var eitthvað svo uppnumin eftir þetta að ég hringdi í Írisi og sagði henni að við yrðum að skella okkur aftur. Ein alltaf svo fljótfær.
Þetta er búin að vera mjög fínn sunnudagur.Við hjónakornin vorum bara heima í dag í algjörri afslöppun,ég fór í mitt freyðibað og við borðuðum góðan mat.
Og svo var dagurinn toppaður með bíóferðinni.
Þangað til næst, góða nótt og bæjó.

Laugardagur til lukku,,,,,,,,,,,,,,,

Dagurinn fór eiginlega í það að bíða í biðröðum. Byrjaði samt á því að fara á hádegisfund og svo í mat hjá systir minni.

Við ákváðum svo að fara á útsöluna í Egg, þar fæst besti handáburður í bænum og alveg þess virði að fara í klukkutíma biðröð fyrir hann á 50% afslætti :o)

Ég fékk mér líka eldhúsljós, kerti, myndaramma og servéttur. Gerði sem sagt frábær kaup í dag.

Svo kom næsta biðröð í Krónunni og svo í Hagkaup, þar með er upptalið það sem ég gerði í dag.

Sit hérna og vona að golfinu fari að ljúka í sjónvarpinu svo ég geti farið að horfa á eitthvað annað. Það er sem sagt sjónvarpstími húsbóndans núna.

Þangað til næst, bæjó

Klukk......

Ég verð að svara klukkinu frá henni Maríu minni.

Fjögur störf sem ég hef unnið um ævina.

1. Bæjarútgerð Hafnarfjarðar
2. Kópavogshæli
3. Prentsmiðjan Oddi
4. Dagmamma

Fjórir staðir sem ég hef búið á.

1. Hafnarfjörður.
2. Hornafjörður.
3. Njarðvík.
4. Reykjavík.

Fjórar bíómyndir sem ég held uppá.

1. Pulp Ficion
2. Durty Dancing
3. Sound of music
4. Lion King

Fjórir sjónvarpsþættir sem mér líkar.

1. CSI
2. Law and order
3. House
4. Litla Bretland

Fjórir staðir sem ég hef heimsótt í fríum.

1. Flórída
2. Danmörk.
3. Benedorm
4. Hornafjörður.

Fjórar síður sem ég skoða daglega fyrir utan blogg.

1. Vísir.is
2. Mbl.is
þar með er það upptalið

Fernt sem ég held uppá matarkyns.

1. Kjúklingur.
2. Rófustappa.
3. Butternut grasker
4. Kímkex

Fjórar bækur sem ég hef lesið oft.

1. AA bókin
2. 12 og 12
3. 24 stunda bókin.
4. Ég er innra með þér.

Ég klukka Áslaugu, Huldu Lind, Sillu, Söru

Takk fyrir mig

Matarfíkn lævís og óútreiknanlegur............

Sjúkdómur,,, já svo sannarlega er ég með sjúkdóm. Lítill púki settist á öxlina á mér og reyndi að telja mér trú um að ég væri að missa af alveg frábærum kolvetnum.

Ég er svo sannarlega ekki tilbúin að fórna því sem ég hef fengið í fráhaldinu mínu.

En þetta segir mér að ég verð alltaf að vera á tánum og vera stöðugt að vinna prógrammið mitt.

Núna bið ég minn æðri mátt að taka frá mér þessa þráhyggju í viss kolvetni.

Ég er svo þakklát fyrir GSA og sponsorinn minn. Svo er minn Guð svo góður.

Þangað til næst, góða nótt og bæjó.

Komin heim endurnærð

Þá er sælan búin. Ég átti ekki von á því að lyggja í sólbaði í 20 stiga hita eins og ég gerði í dag. Alveg búin að vera yndisleg helgi.

Það jafnast ekkert á við það að geta kúplað sig út úr öllu áreiti hérna í borginni og farið upp í sveit, legið í heitum potti, borðað yndislegan GSA mat, og sólað sig.

Það er svo gott að vera með Eygló systir, við höfðum góðan tíma bara tvær meðan karlarnir fóru í golf. Ég elska hana alveg óendanlega mikið.

Hlakka líka til að hitta allar sætustu stelpurnar í bænum annað kvöld.

Þangað til næst, bæjó

Namminamm

Stappan var geggjuð. Góða nótt.

Beðið eftir matnum,,,,,,,

Sit hérna við tölvuna alveg að deyja úr hungri. Það er komin svo góð lykt af kjúllanum sem er í ofninum. Ætla að prófa nýja stöppu sem Guðrún Vaka sagði mér frá, Eygló systir verður tilraunadýr með mér. Læt ykkur vita hvernig tekst til með stöppuna. Þangað til næst, bæjó

Dagur 600

Í dag er ég búin að vera 600 daga í fráhaldi,,,,,,,,,,,ég er ekki að trúa þessu. Mér finnst ég alveg frábær :o)

Skellti mér ásamt 3 öðrum skvísum í Grindó í kvöld, frábær fundur.
Ég er svo meðvituð um það að mér líður svona vel af því að ég er í fráhaldi og er að nota öll verkfærin sem ég hef fengið. Sem eru, fundirnir, sporin, sponsorinn, sponsíurnar og síðast en ekki síst minn æðri máttur.

Farin að sofa. Góða nótt.