Komin heim í heiðardalinn......

Alltaf er nú gott að koma heim. Tvö af þremur börnunum mínum og tengdadóttir bókstaflega tóku á móti okkur á bílaplaninu,,,,, ekkert smá næs, svo kom miðlungurinn mjög fljótlega, mikið rosalega þykir mér nú vænt um þau öll. Svo þegar inn var komið tóku yndislegustu kisur í heimi á móti okkur, mikið voru þær nú glaðar að sjá að "mamma og pabbi" voru loksins komin heim, annars væsir nú ekki um þær blessaðar það er sko vel hugsað um þær af nágrannakonu okkar sem er algjör dýrakona.
En sem sagt ferðalagið var bara yndislegt, vorum eina nótt á Flúðum fórum svo þaðan og vestur í Varmaland og vorum þar í tvær nætur og enduðum þetta í Varmahlíð í þrjár nætur. Fórum á Hofsós og skoðuðum Vesturfarasetrið ekkert smá merkilegt að lesa um og skoða þetta allt saman. Erum sem sagt búin að prófa að vera í ausandi rigningu og brjáluðu roki í tjaldvagni og það er ekkert mál, en ég held að við fáum okkur nú frekar fellihýsi, ég vil hafa svolítið meira kósí. En megnið af tímanum var annars bara gott veður. En nú verð ég að fara að sofa, það er allt komið í rugl hjá mér. Þangað til næst, góða nótt og bæjó

Farin í frí :o)

Jæja þá er komið að því að skella sér í tjaldvagnaferðina. Við hjónin leigðum okkur vagn hjá VR. Þetta er annað sumarið sem við gerum það og nú verður tekin ákvörðun um það hvort við kaupum okkur vagn. Það var alveg bongó blíða allan tíman sem við vorum í ferðinni í fyrra svo nú sjáum við til. Við höfum hugsað okkur að elta bara sólina eða alla vega vera þar sem er þurrt. Ég er búin að baka helling af kím kökum og ætla að baka mér fetaostabrauð í fyrramálið, það er um að gera að vera vel nestaður. En ég blogga svo um ferðina eftir viku. Þangað til næst, bæjó.

Frostpinni yessssssssssssss :o)

Mikið er ég glöð yfir nýja djúsnum ammm hann er algjört æði,,,,,,TAKK Helga Dóra fyrir að vera svona rosalega hömlulaus og finna svona gott. Ég fór náttúrulega og keypti sinn hvor fyrir okkur systurnar, fór svo í IKEA og keypti frostpinnabox og nú er ég bara að bíða eftir að þetta frjósi. Hlakka svo til að fá frostpinna. Er maður í lagi eða hvað????
Jæja nú styttist í tjaldvagnaferðina, fer á fimmtudag, veit ekki hvert, bara þangað sem sólin verður. Þangað til næst, bæjó

Sybbin zzzzzzzzzzzzzzzzzzzzz

Var að drattast heim........ Fór á æðislega góðan fund, hef ekki komist á fund í 10 daga og vantaði næringu sem ég fékk. Kíkti svo á Díönu og þaðan til mömmsu gömlu. Er orðin grútsyfjuð ZZZZZZZZZZZZZZZZZZZZ Góða nótt. Þangað til næst, bæjó.

Náttfatadagur....

Það er náttfatadagur hjá mér í dag,,,,,, nenni ekki að gera neitt. Nema elda, vigta og borða. Karlinn ætlaði að fá mig með sér í búðir, hann vantar buxur, en ég nenni því engan veginn. Hefði einhver trúað því sem okkur þekkir að HANN hefði átt frumkvæðið af því NEI...........Hvað er með karla og DR Phil, þeir þola hann ekki, minn fær grænar bólur þegar ég horfi á hann,, sem er ekki oft reyndar, en þá fær maður langan fyrirlestur um hvað þetta sé ömurlegur maður. Reyndar gat ég notað á hann einu sinni eitthvað sem Phil tók fyrir í einum þætti og það var eins og skvetta vatni á gæs og ekki batnaði álit hans á honum við það. Frekar skondið.

Jæja best að fara að gá hvort ég geti ekki fundið eitthvað skemmtilegt í imbanum. Þangað til næst, bæjó

Komin heim brún og sæt......

Já við vorum ekkert smá heppin með veður alla vikuna.........glampandi sól og hiti, maður dró bara dínuna út á pall á morgnana og lá svo allan daginn. Það var ekki farandi í heita pottinn fyrr en seint á kvöldinn. En sem sagt þessi sæla er búin í bili. Fór í brúðkaup hjá syni bróður míns í dag, það var auðvita alveg rosa flott. Við systurnar sem vigtum og mælum fórum og töluðum við kokkinn og báðum um helling af salati og bara kjöt enga sósu,,,,,,,,hann varð þetta litla geðvondur og ranghvolfdi augunum, aðstoðarkokkurinn var mjög kurteis og sagði að þetta væri ekkert mál, svo þegar maturinn kom hafði kokkurinn séð að sér og var hinn ljúfasti, vildi allt fyrir okkur gera. Enda sendum við honum bara góða strauma og brostum voða sætt til hans. Jæja þá er að kíkja aðeins á imbann og fara svo að sofa. Þangað til næst, góða nótt og bæjó.

Góður dagur :o)

Fínn dagur í dag. Eftir mína dásamlegu morgunverðarskonsu með kanilsteiktum eplum, jarðarberjum, ananas og skyri nammmmmmm........ fór ég til brjóstgóðu systur minnar og bjó til svoleiðis handa henni líka. Síðan fórum við tvær og Íris mín líka í Smáralindinna til saumakonu og föt sett í þrengingu. Þegar við vorum búnar að þvælast þar í góðan tíma var haldið aftur heim til Eyglóar. Íris mín fékk sér bjútíblund en ég bjó til GSA pizzuna góðu fyrir okkur systur, sjúklega góð. Jæja svo fór ég á fund í kvöld og svo endaði þessi góði dagur á Kaffi París með eldhressum GSA konum sem mér þykir mjög vænt um. Þær eru allar algjörar perlur. Hvað er hægt að hafa það betra???
Á morgun er svo ferðinni heitið í sumarbústað þannig að ég blogga ekki á næstunni. Þangað til næst, bæjó

Fyrsta barnabarnið ??????????? :o) Djók

Hún er svo fyndin hún Esther mín, hún er búin að vera að blogga á síðunni sinni um hana Stínu sína sem dó.........það er sem sagt fluga sem er fyrsta barnabarnið mitt. Verð að koma þessu að, því þetta leit út eins og hún hefði verið að missa barn. Það er búið að vera frekar fyndið að lesa þessa framhaldssögu hjá henni, hún er með mjög frjótt ímyndunarafl stelpan. Vona að það hafi ekki margir fengið sjokk sem lásu athugasemdina frá henni og haldið að ég hefði verið að missa barnabarn í alvöru. Þangað til næst, bæjó

Frábært líf :o)

Þetta er dásamlegt líf........... enginn organdi börn, bara við gamla settið að sloppast og hafa það náðugt. Ég elska það líka að klæða mig í betri föt og fara út að spóka mig........... Hlakka líka svakalega til þegar ég get farið að spila golf, sem verður líklega í næstu viku. Átti mjög góðan dag í gær, kláraði síðast 9 sporið mitt :o) Var svo með henni Díönu vinkonu minni (systir) allan daginn, fórum í nokkrar (margar) búðir og svo bauð hún mér í geðveikt góða GSA pissu. Fórum við svo á fund og enduðum þennan frábæra dag hjá múttu. Mamma var bara hress, enda nýbúin að skreppa á æskuslóðir í Stykkishólm. Jæja nú ætla ég að fara að tjatta við kallinn. Þangað til næst, bæjó

Hamingja.......

Jesús minn hvað þetta voru flott brúðhjón, ekki það að ég hafi séð ljót brúðhjón, en fyrir utan það að vera í glæsilegum brúðarfötum og allt það þá eru þessi yndislegu hjón með svo fallegar sálir og yndislega útgeislun. Svo leynir brúðurin svona á sér,,,hún er sem sagt frábær söngkona og söng svo fallega til nýbakaðs eiginmanns síns, alveg dásamlegt. Hann fór upp á svið og þakkaði henni fyrir að játast sér og fór svo með ljóð til hennar....... Maður var næstum farin að gráta af hamingju. Veislan var alveg frábær, mjög góður matur, fullt af salati og eldað grænmeti sem ég mátti borða og svo var kalkúnabringa og nautakjöt. Það var líka flottur forréttur og eftirréttur sem ég lét eiga sig. Núna er ég bara að bíða eftir brúðhjónunum, hlakka svo til að heyra í þeim svona daginn eftir, þau eiga sem sagt tvö börn sem eru hérna hjá mér að bíða líka. Þangað til næst, bæjó