Nunnur og fegurð

Fyndið að það sé verið að sína Sound of music núna, þegar fréttin um fegurðarsamkeppni nunna er í blöðunum. Passar bara svo vel :o) Er eitthvað svo andlaus núna. Ætla bara að halda áfram að horfa á nunnumyndina. Þangað til næst, bæjó

Strákarnir okkar.

Ótrúlegt að maður skuli vera pínu svekktur yfir því að ná ekki gullinu.
Það kallast vanþakklæti í þeirra garð, þeir eru alveg frábærir, strákarnir okkar. Til hamingju allir. Það verður gaman að taka á móti þeim. Vonandi kemst ég :o)

Yndislegur dagur

Vaknaði kl 8 í morgunmat, var svo bara að dúlla mér fram að hádegi. Skellti mér svo á AA fund í hádeginu. Fann svo sterkt fyrir því á fundinum hvað ég er í góðu vitundarsambandi við minn æðri mátt. Gat varla beðið eftir að leiðarinn kláraði sig af, svo ég gæti fengið að deila minni reynslu, styrk og vonum. Ég gjörsamlega sveif út af fundinum, sem er dásamleg upplifun þegar maður nær að tengja svona vel.

Síðan fór ég út að borða á Salatbarinn. Við Eygló systir fórum svo í Smáralindina, þar hittum við Írisi mína og eyddum við þrjár góðum tíma saman í La Sensa að máta brjóstarhaldara, geðveikt flottir. Síðan fórum við Eygló í ræktina og enduðum svo í baðstofunni, alveg frábær dagur.
Svo fórum við heim til mín og elduðum saman.

Esther mín og Bogga kærastan hennar komu aðeins í heimsókn í kvöld, og það er svo frábært að sjá hvað þær geisla af hamingju dúllurnar.

Núna verður maður að fara að sofa svo maður vakni í fyrramálið til þess að horfa á STRÁKANA OKKAR taka gullið. ÁFRAM ÍSLAND. Þangað til næst, bæjó

Áfram Ísland,,,,,,,,,,,,,,

Geeeeðveikur leikur. Sá hann að vísu ekki alveg allan, en það sem ég sá var rosalegt.
Jæja þá er ég farin að borða aftur mínar 3 vigtuðu og mældu máltíðir.
Ég get ekki líst því hvað það var gott að fá skonsuna þegar ég kom heim.

Annars er ég búin að vera frekar slöpp í dag, held að það séu bara eftirköst út af svelti :o)

Sem sagt lífið komið í eðlilegt horf, ræktin á morgun, og kannski fer ég bara á hádegisfund. Þangað til næst, bæjó

Hungurrrrrrrrrrrrr

Ég er svo hungruð að ég sit hérna í kóma, er sem sagt á fljótandi síðan í gær og þangað til á morgunn. Held að ég sé með einhver fráhvarfs einkenni, ég er með svolítinn höfuðverk og finnst allt vera eins og í þoku.

En mér tókst að halda sönsum í vinnunni í dag. Hefði samt ekki trúað því að ég þyldi þetta svona illa. Ég ætlaði í ræktina eftir vinnu en ég er alveg viss um að það hefði liðið yfir mig. Held mig sem sagt bara í Lazy Boy sófanum mínum og hreyfi mig ekki út.

Ætla að vera í fríi á morgun, þá getur maður horft á STRÁKANA OKKAR í handboltanum.
Þangað til næst bæjó og ÁFRAM ÍSLAND

Hrikalegur dagur!!!!!!!!!!!!!!!!!!!!!!!!!!!

Ég á ekki orð yfir það hvað 10 litlir gríslingar geta verið erfiðir :o(
Það var eins og þetta væru samantekin ráð hjá þeim að gefa okkur alllllllldrei frið í allan dag. Það var alveg ótrúlegt hvernig engin virtist þurfa að sofa lúrinn sinn, enginn vildi það sem var í matinn (nema litlu ofæturnar) og ofan á allt ætluðu sum ekki að vilja fara heim "in your dreams"
En allt tekur þetta enda, sem betur fer.
Fór svo í leiðangur fyrir tengdó í Kringluna, ekki alveg staðurinn sem ég nennti á eftir svona dag. Hefði frekar viljað fara í Baðstofuna, en svona er þetta bara. Er núna að bíða eftir sponsí sem er að fara í 5 sporið. Fer svo beint að sofa. Þangað til næst, bæjó

Loksins,,,,,,,,,,

Loksins hafði ég mig í að fara á hádegisfund Er búin að vera á leiðinni í marga mánuði. Íris var farin að stríða mér, sagði að ég þyrfti örugglega ekki á því að halda lengur þar sem ég væri bara matafíkill  Sem sagt ég fór og það var alveg dásamlegt, og merkilegt nokk, ég náði alveg að tengja 

Svo var mér boðið í afmæli hjá einni vinkonu minni sem var að halda upp á 15 ára edrúafmæli sem er alveg brilljant. Það er sami árafjöldi og ég næ í október ef Guð lofar og gæfan vill.

Til að toppa daginn þá skellti ég mér í ræktina eftir kvöldmatinn  Það er alveg frábært að fara í hugleiðslu í arinstofunni í Laugum.

Þangað til næst, bæjó

Byrjuð í ræktinni :o)

Jæja þá er maður farin að sprikla aftur Fékk tveggja vikna boðskort í Baðstofuna í Laugum, og þvílíkur draumur  Er búin að fara tvisvar og er alveg endurnærð. Þetta verður kannski til þess að ég mæti svo í líkamsræktina sem ég er styrktaraðili að sem er JSB.

Fór á stofnfundinn í Grindavík á miðvikudaginn og þvílík mæting 25 flottar konur.

Nenni ekki að tala um borgarmálin, er búin að fá upp í kok af þeim

Þangað til næst, bæjó

Hjáveituaðgerðir,,,,

Var að lesa bloggin um hjáveituaðgerðir,,, ég verð bara reið þegar ég heyri um þessar aðgerðir. Ég á frænku sem fór í svona aðgerð og jú jú hún grentist rosalega fyrst en svo tók fíknin aftur völdin og hún er orðin miklu verri heldur en hún var fyrir aðgerð.

Það er sem betur fer til miklu betri lausn, sem virkar á bæði andlegu og líkamlegu hliðina. Ég var einmitt að koma af fundi með fullt af flottum konum í fráhaldi. Konum sem vita af lausninni.

Tek undir það sem Habbý segir á blogginu sínu, það mætti bæta þessu inni í "búin að prófa allt" pakkann.

Þangað til næst, bæjó

Clapton og Gay Pride

Tónleikarnir voru geeeeðveikir, Eric Clapton er bara flottur og þvílíkur snillingur. Og mér fannst Ellen Kristjáns og nýja hljómsveitin hennar mjög flott.
Maður var gjörsamlega búin eftir að hafa staðið í Egilshöllinni í rúma 4 tíma, loftið þarna inni var hræðilegt, enda var fólk að falla í yfirlið. En þetta var þess virði.

Svo var það Gleðigangan í dag, rosaflott, ég fór með krökkunum mínum, tengdadóttir, Díönu vinkonu og dóttir hennar í gönguna. Ein dóttirin var í atriði upp á palli og var hún rosalega flott stelpan þó ég segi sjálf frá. Var að fíla sig í botn.

Maður gengur kannski næst niður laugaveginn með aðstandenda hópnum, hver veit.

Var svo með Díönu og dóttir hennar í mat hjá mér áðan og ég er alveg svakalega ánægð eftir þennan góða dag.

Jæja það er best að fara að horfa á golf með karlinum.
Þangað til næst, bæjó

Þreytt,,,,,

Mikið rosalega er erfitt að byrja aftur að vakna klukkan 7. Ég er bara syfjuð allan daginn, en kem mér svo aldrei á skikkanlegum tíma í rúmið.

Fór á mjög góðan fund í kvöld, kem alltaf svo nærð heim af fundum.

Er orðin spennt fyrir Eric Clapton tónleikunum annað kvöld, þeir verða örugglega geggjaðir. Best að fara að hvíla sig svo maður hangi nú uppi annað kvöld. Þangað til næst, góða nótt og bæjó.

Hæ hæ,,,,,

Fyrsta vinnudegi lokið og viti menn ég lifði það alveg af :o) Reyndar ekki full mæting, en bara ljúft.

Nýju börnin tvö mættu í heimsókn og þau lofa góðu, voru mjög frjáls og ekkert óörugg.

Ég er orðin grútsyfjuð, enda 5 vikur síðan ég hef farið á fætur kl 7 að morgni. Þangað til næst, góða nótt og bæjó

Vinna á morgun,,,,,,,,,,,,,,,,

Var að koma af alveg yndislegum fundi og líður svo vel eftir hann.

Það er svo merkilegt hvað manni finnst sumarfríið alltaf fljótt að líða.
Þetta sumar er búið að vera alveg frábært, og er auðvitað ekki búið þó að ég sé að byrja að vinna. Maður getur ennþá spilað golf og ég á eftir að skreppa til Hornafjarðar.

Það eru svona blendnar tilfinningar hjá mér, bæði kvíður mér fyrir að fá ný börn í aðlögun og svo hlakkar mig til að fá þau sem eru búin að vera hjá okkur.

Ég er búin að vera í svo mikilli hugarró undanfarið sem mér finnst alveg dásamlegt. Það þakka ég bara GSA, tólf sporunum og sponsornum mínum.

Jæja það er best að fara að koma sér í svefn svo maður verði til í slaginn í fyrramálið. Þangað til næst, góða nótt og bæjó.

Ástfangnir golfarar,,,,,,,,,,,,,,,,,,,,

Mikið er búið að vera gaman í dag. Við turtildúfurnar ákváðum að vera bara tvö saman í dag :o)
Við keyrðum austur fyrir fjall og spiluðum golf. Vorum bara tvö í holli, það er svo gott þegar maður fær þessa tilfinningu eins og maður sé bara unglingur og nýtrúlofaður. Við áttum svoleiðis dag.

Skruppum svo upp í bústað til Kalla bróðir og grilluðum. Komum heim kl. 22:30
Erum að spá í að skella okkur á Stuðmannatónleikana á morgun, hlakka til þess.
Jæja hef ekkert meira að segja núna. Þangað til næst, bæjó

Verslunarmannahelgi........

Ég væri svo til í að fara í útilegu (ekki í tjald) en það er ekki í boði núna:o) Stelpurnar mínar eru báðar að fara í útilegu, önnur fer til Þorlákshafnar og hin í Kirkjulækjarkot :o) Ég hef ekki minnstu áhyggjur af þeim.
Við hjónakornin ætlum að skella okkur austur til Kalla bróðir og taka einn golfhring á Dalbúa, það verður bara gaman.
Síðan grillum við örugglega hjá honum, svo ég fæ smá útilegufíling :o)
Vonandi heppnast helgin vel hjá öllum.
Þangað til næst, bæjó

Alveg grilluð,,,,,,,,,,,,,,,,,,,,,,,,

Jæja þá er enn einn sólardagurinn á enda. Ég er búin að vera í pallapartý hjá vinkonu minni í dag og í gær og ég er gjörsamlega grilluð. Núna er ég búin að koma mér fyrir í Lazyboy sófanum mínum og er bara búin á því.
Það er nefnilega mjög erfitt að vera svona lengi í sólinni,,,,,,,,maður verður þreyttur á því.
Er ekki alveg ákveðin með helgina, hvað ég geri, fer kannski í útilegu með Díönu og Grétari, karlinn nennir ekki í útilegu svo hann verður bara heima.
En þetta kemur allt í ljós. Þangað til næst, bæjó

Meðvirkni eða................... 4 sæti........

Er búin að vera í smá þælingum undanfarna daga. Það kom upp smá atvik hjá mömmu og tveim börnunum mínum. Ég veit að mamma særði alla vega dóttir mína og ég varð öskureið, "litla" dóttir mín er 26 ára og auðvita veit ég að hún er fullorðin, en ég á svo bágt með mig þegar eitthvað er gert á hlut barnanna minna. En sem sagt ég hef ekki getað hugsað mér að tala við mömmu í nokkra daga og hef verið að byggja upp gremju, þangað til í dag að ég ræddi þetta við systir mína og hún spurði mig hvort þetta gæti verið meðvirkni, ég fór að hugsa um allt sem ég hef gengið í gegnum með mömmu, sem er mjög veik á sálinni og hefur ALLTAF verið svona og ég veit að ég breyti henni ekki og þar með var gremjan farin. Þegar ég kom heim hringdi ég í hana og fann að mig langaði ekkert að ausa yfir hana einhverjum skít,,,, sem ég hefði sko gert ef ég væri ekki búin að vinna í sjálfri mér og læra að stoppa og finna hugarró áður en ég framkvæmi. Þetta sýndi mér samt hvað það er stutt í meðvirknina hjá mér ef börnin mín eru annars vegar. Við erum líka svo nánar systurnar og getum talað um allt, sem er yndislegt, ég elska hana út af lífinu. Það er svo gaman að vera til. Verð líka að koma því að, hann Friðrik minn var að keppa í golfi og lenti í 4 sæti sem er frábært af ca 150 manns. Hann fékk 10000kr gjafabréf í verðlaun. Glæsilegt hjá honum, ég er svo stolt af honum. Þangað til næst, bæjó

Heppin og hamingjusöm :o)

Ég er alltaf að fatta það betur og betur hvað ég er heppin ung kona. Ég á 3 yndisleg börn, yndislegasta mann í heimi, yndislega vini, yndislega fjölskyldu, yndislegan sponsor, og svo á ég yndislegt fráhald. Ég er í góðu vitundarsambandi við minn æðri mátt, annars væri lífið mitt ekki svona gott. Ef ég væri ekki búin að vinna sporin þá væri ég ekki á þessum stað. Það skiptir mig svo miklu máli að viðurkenna vanmáttinn, hreinsa til og viðhalda svo prógramið. Það geri ég með því að vigta og mæla matinn minn, hjálpa öðrum, stunda fundi, vera í þjónustu og iðka bæn og hugleiðslu. Ég hef öðlast svo mikið frelsi og svo mikla hugarró. Mér finnst ég hamingjusamasta og heppnasta kona í heimi. Þangað til næst, bæjó