Eigingjörn eða ekki?????????????

Stelpan mín og kærasta hennar eru að flytja á Selfoss........ ekki mjög spennandi, ekki heppilegasti tíminn.... en hún er spennt. Auðvitað er ég eigingjörn því ég hugsaði auðvitað ÉG VERÐ HRÆDD UM ÞÆR. Það er alveg magnað hvað maður er sjálfhverfur, eða kannski eru þetta bara eðlilegar móðurtilfinningar...... Ég á stundum erfitt með að skilgreina tilfinningarnar mínar... er ég eigingjörn eða er ég að hugsa um hina. Skoða þetta. Þangað til næst,bæjó

Vinkonukvöld.

Búin að vera góður dagur í dag. Loksins komin á pensilín þannig að nú er allt í góðum bata. Bauð tveim vinkonum mínum (önnur er líka systir mín) í mat í kvöld og rak karlinn út á meðan sagði honum að þetta væri stelpukvöld......
Og við erum búnar að eiga æðislega skemmtilegt kvöld, mikið skrafað um brjóstastækkanir og fitusog....... og sitt hvað fleira. Langar geðveikt í nýtt matarstell..... er að hugsa um að skoða það á morgun.
Jæja best að fylgjast með fegurðinni á skjá einum. Þangað til næst, bæjó

Þakklæti????

Er búin að vera að pæla í því hvað ég er heppin..... ég hef allt til alls, ég á yndislegan mann og yndisleg börn.... og ekki má gleyma yndislegu kisunum mínum. Svo er maður að væla yfir smá flensu :o(
Systir mín var að greinast með MS og sonur hennar með æxli í mjöðm. Já ég er svo þakklát fyrir allt mitt. Ég ætla að einbeita mér að því að þakka fyrir mig. Og svo ætla ég að vera betri við systir mína, sem er litla systir mín þó hún sé 40 ára. Þangað til næst, bæjó

Missti af sólinni í dag :o(

Sem sagt komin með barkabólgu eins og 60% af börnunum sem ég passa. Var hérna heima í sjálfvorkunn meðan karlinn var í veiðitúr með tengdó. En það kemur aftur sól....vonandi. 33 dagar í sumarfrí jibbý.
Mér finnst það alveg merkilegt að þessi veikindi mín hafa ekki áhrif á fráhaldið mitt, það er vegna þess að ég er í góðu sambandi við minn æðri mátt. Ég les á morgnana í 24stunda bókinni og Ég er innra með þér og fer með bænirnar mínar, þess vegna kemst ég í gegnum þetta, því það er ömurlegt að vera alltaf veikur. En ekki meira væl. Fráhaldið er það mikilvægasta í lífi mínu. Þangað til næst, bæjó

14 sæti!!!!!!!

Var það ekki... þetta er alltaf svona hjá okkur, erum alltaf búin að vinna keppnina og hvað svo... skítum á okkur. Ekki misskilja mig, auðvitað hélt ég með þeim. Mér fannst lagið sem vann ÖMURLEGT vægt til orða tekið!!!! Ég held að ég hafi ekki horft á júróvision í 15 ár fyrr en núna, er viss um að ég nenni því ekki aftur þetta var jafn leiðinlegt og mig minnti. Jæja ég ætla að hætta að tala um þessa keppni.
Er búin að vera ein heima í kvöld með kisunum mínum, finnst það frábært.
Ég var að hugsa um hvað sambandið mitt við börnin mín er orðið frábært, þau eru náttúrulega orðin fullorðin, og kannski er það vegna þess að ég sætti mig við það og sleppti tökunum sem sambandið varð svona gott. Stelpurnar mínar fóru báðar í bústað um helgina, ekki saman samt, en þær eru báðar búnar að gefa sér tíma til að hringja í múttu og láta vita af sér og bara til að heyra í mér. Hann Palli minn hringir ekki kerlinguna, en ég hringi bara í hann þessa elsku. Jæja þá er best að fara að halla sér á koddann. Þangað til næst, bæjó.

Áfram Ísland

Búin að vera örg út í karlinn :o( sagði honum að ef ég myndi falla í fráhaldinu mínu þá væri það sko HONUM að kenna því hann væri alltaf og takið eftir alltaf með óæskileg kolvetni fyrir framan mig. Hann var sem sagt að borða ístertu sem ÉG bjó til og borða hrís sem ÉG keypti handa honum.... Allavega þá þurfti ég alveg rosalega á því að halda að fara á fundinn í kvöld. Hann var nú ekki fjölmennur en rosalega góðmennur, við vorum 5 flottar konur:o)
Kompan orðin fín og ég komin í betra samband við minn æðri mátt. Fer sælmað sofa :o)
Rosastolt af júróvisíonparinu okkar. Þangað til næst, bæjó.

Kompudagur.

Jæja þá er maður komin niður á jörðina eftir sigur gærdagsins. Við hjónin ætlum að skreppa niður í kompu (ruslakompu) og reyna að taka aðeins til og henda. Er að safna kjarki :o) En ef ég ætla að ná á fund..... sem ég ætla að gera, því það er það sem skiptir máli fyrir fráhaldið mitt þá er best að fara að drífa sig. Þangað til næst, bæjó

MEISTARAR

GLORY GLORY MANCHESTER UNITED!!!!!!!!!!!!!!!!!!!!!!!!!!! Við erum meistarar, við erum bestir. Frábær leikur, en þar sem ég er pínu meðvirk þá fann ég smá til með Chelsemönnum... (eða ekki). Ég var að velta því fyrir mér áðan hvernig stæði á því að maðurinn minn léti fótboltalið stjórna líðan sinni,, en ó my god ég var alveg að pissa á af spenningi. Jæja þá er að horfa á verðlaunaafhendinguna. Þangað til næst, bæjó.

Gott að komast á fund

Jæja dagur að kveldi komin.....talar ekki gamla fólkið sem er í golfi svona :o) Komst á fundinn minn í kvöld sem var frábært. Gerði líka góðverk í dag, fór og heimsótti mömmu og var hjá henni í tæpa 2 tíma sem er afrek út af fyrir sig, hún er svo veik. Ég á svo erfitt með að umgangast hana, en geri mitt besta.
Ég er eitthvað að klúðra svefninum mínum, fer allt of seint að sofa ;o( Talandi um að einhver sé veikur í hausnum
Verð að bæta mig þar. Sem sagt GÓÐA NÓTT. Þangað til næst,bæjó

Fyrst golfhringurinn

Jæja þá var fyrsti golfhringurinn spilaður í dag:o) Ég get ekki sagt að ég komi vel undan vetri.....en ég hef það mér til afsökunnar að ég gat svo lítð spilað í fyrra. Fórum fjögur saman, ég, Friðrik, Eygló og Gísli. Það var bara skemmtilegt, það góða við það að vera lélegur í golfi er að maður fær að slá miklu fleiri golfhögg ;o) ( Pollíanna mætt) Svo var matarklúbburinn í kvöld, alltaf svo gaman að hitta þau og borða góðan mat. Nú er maður sem sagt orðin dauðuppgefin en alsæl eftir þessa djammhelgi.Þangað til næst góða nótt og bæjó

Þreytt en ánægð

Er alveg rosalega ánægð eftir kvöldið með GSA vinkonum mínum. Þetta eru náttúrulega skemmtilegustu stelpurnar í bænum. Þemað átti að vera glamúr og glimmer en var aðeins meira svona krulluþema.... rosaflott, hefði viljað vera með hár eins og Helga Dóra. Ella Sigga og Guðrún Vaka voru nú mestu glamúrin ekkert smá flottar.
Ég verð að hætta núna, er hætt að sjá á skjáinn fyrir þreytu. Ætla að fara að sofa með risa bros á vör. Þangað til næst, góða nótt og bæjó

Hressari....

Jæja er vonandi að skríða saman eftir flensuskratta. Var að spá í það hvort ég væri í röngu starfi....tek allar pestar sem litlu krúttin koma með alveg óbeðin :o( en nei þetta starf er mjög skemmtilegt og gefandi fyrir utan þetta. Ég er orðin spennt fyrir laugardagstjúttinu, en maður er náttúrulega komin með hausverk yfir því í hverju maður á að vera..... en það er alltaf svoleiðis þegar ég er að fara eitthvað, kannist þið við þetta :o) En þangað til næst, bæjó

Alveg rugluð

Nú er ég alveg búin að vera rugluð í hausnum, vissi ekki hvað ég ætti að gera eftir vinnu.... átti ég að fara í ræktina, í golf, út að labba eða bara eitthvað í heimsókn,......... sem sagt mér leiddist   en svo hringdi Díana vinkona og bauð mér í leikhús..... jibbý málið var leist, en viti menn leiksýningunni var frestað til föstudags arrrrrrrrrrrg   en einn ljós punktur ég veit hvað ég geri á föstudaginn  En allavega núna ákvað ég að hanga bara í tölvunni. Þangað til næst, bæjó

Komin heim...

Jæja þá er þessi yndislega ferðahelgi að baki... fórum til Hornafjarðar á laugardaginn og tókum tengdó með. Vorum komin til Grétu og Inga kl. ca 17, það er nú alveg dásamlegt að vera hjá þeim, þau eru bæði svo yndislegt fólk. Á sunnudeginum var svo haldið til Breiðdalsvíkur í fermingu og alveg óvænta skírn Sandra lét skíra Hrannar Inga. Það var matur í veislunni þannig að ég þurfti ekki að borða nestið mitt... Fórum svo aftur til Hafnar og heimsóttum Söndru Lind í nýja húsið hennar, alveg rosa stórt og fínt hús, maður á örugglega eftir að snýkja sér gistingu hjá henni seinna. Nú svo fórum við heim til Inga og Grétu og auðvitað beint í heita pottinn......  Við komum heim í dag kl. 19:30. Ég var svo þreytt eftir ferðina að ég nennti ekki á fund  En þessi helgi var alveg dásamleg, ég var með allt með mér matarlega séð sem er kannski ekki til á öllum heimilum, eins og t.d hveitikím, sojamjöl og xylitol (svo var þetta allt til)  Fráhaldið mitt er það mikilvægasta hjá mér og mér tókst að vigta og mæla 3 máltíðir á dag en þetta var stundum erfitt því það var allt fljótandi í óhollustu alla helgina En ég er algjör hetja Best að hætta núna áður en ég missi mig í grobbi.Þangað til næst, bæjó

 

Ferðahelgi framundan

Þá er ferðahelgin runnin upp... leiðin liggur til Hornafjarðar á morgun í fermingarveislu númer 5... hún er reyndar á Breiðdalsvík á sunnudaginn. Þetta er búið að vera algjört veisluvor og sér ekki fyrir endan á því...... sem sagt 2 brúðkaup í sumar. Ekki misskilja mig ég elska það að fara í veislur ( með nesti) þetta er bara svo dj...dýrt, svo þarf maður náttúrulega að fá sér flottan sumarkjól.... sem er allt í lagi ég elska að kaupa mér föt eftir að ég komst í kjörþyngd. Þoli reyndar ekki ferðalag í ausandi rigningu og roki, en maður býr víst á Íslandi svo það þýðir ekkert að væla...Þangað til næst. Bæjó

Fínn dagur

Þessi dagur er búin að vera frekar rólegur fyrir utan einn vælukjóa sem tók svolítið á taugarnar... en þetta er víst vinnan mín og 9 stk bara fín.
Já og svo skellti gellan sér í ræktina, hef ekki mikið stundað það síðan ég fór í fráhald kannski af því mér hefur ekki fundist ég þurfa þess, en alltaf er það nú samt gott eftir á, svo er gufan svo rosalega góð.
Langar rosalega í nudd, er að hugsa um að blikka kallinn og fá gott herðanudd ( allavega byrja á því) Jæja nóg um það. Þangað til næst, bæjó

Hvað er í gangi..........

Ég er nú alveg komin með upp í kok á þessum flensum... Núna er  ÆLUPEST... karlinn nældi sér í hana , eitt barnið sent heim með æluna og hin frekar geðstirð í dag. Þakka mikið fyrir morgunhugleiðslu og morgunbænir, það er það sem kemur mér í gegnum svona daga án þess að ég tapi geðinu  Er að bíða eftir konu sem er að spá í pláss hjá mér.

K-bekkurinn

já hann er soldið spes þessi k-bekkur sem ég var í, við erum dugleg að hittast og það merkilega er að kennarinn okkar hætti að kenna þegar við vorum búin með grunnskólann og gerðist prestur(kannski ekkert skrítið) og hún er mjög oft með í  hitting, En hvað um það við stelpurnar ákváðum að hittast í dag á Grand hótel og það var alveg rosalega gaman, mikið hlegið.

Nú svo var það GSA fundur í kvöld, sem er náttúrulega lífsgjöfin mín, og alveg yndislegt að hitta allar þessar flottu stelpur.    Þangað til næst. Bæjó