Blessuð sé minning hennar.

Er búin að vera að hugsa um það undanfarið hvað ég er í litlum tengslum við ættingjana mína. Föðursystir mín er t.d búin að búa í næstu blokk við mig síðustu 16 árin og ég hef ekki hitt hana núna í svona 5 ár. Var alltaf að hugsa um að fara nú að kíkja á hana. Nú er það orðið of seint, hún dó í síðustu viku. Hún var orðin 89 ára gömul og var södd lífdaga. Þetta fær mig samt til að hugsa. Núna ætla ég t.d að fara oftar til mömmu gömlu sem verður 76 ára á þessu ári.

Einnig langar mig að eiga gott kærleiksríkt samband við mína nánustu. Verðugt verkefni

Fer á morgun við jarðarförina að kveðja þessa gömlu frænku mína, sem mér þótti mjög vænt um og var mikið hjá þegar ég var barn.

Verum góð hvert við annað

 

Athugasemdir

[Ella Guðný, 4.3.2009 kl. 22:04]

Þetta er svo rétt hjá þér Bobba mín :)

[Steinunn Helga Sigurðardóttir, 6.3.2009 kl. 11:08]

heyr heyr... ást til þín

steina kleina

[Gudrún Hauksdótttir, 7.3.2009 kl. 05:57]

Tad skiptir svo mikklu máli ad hlúa ad sér og sínum...Tad er tad sem vid eigum.

Hjartanskvedja til tín.

[, 9.3.2009 kl. 17:43]

Gott hjá þér elsku Bobba mín .Nútíminn er svo ólíkur því sem allt var þegar við vorum að alast upp hér í Firðinum. Þá voru allir ættingjar alltaf að koma í kaffi og maður bara sem krakki var inn á gafli hjá öllum ættingjum og vinum bara sí svona. Hús voru ekki læst minnir mig og það var bara sjálfsagður hlutur að droppa inn. Ég hef velt þessu mikið fyrir mér. Ég reyni að halda mjög mikið í börnin mín og barnabörnin og eru þau mjög hænd að mér. Það gladdi mitt hjarta að meira að segja táningurinn sem er að verða 12 ára fékk lánaðan gemsann minn eitt sinn þegar ég var að keyra hana heim af sellóæfingu. Hún hefur svo gaman af að skreita myndir sem ég er með af þeim börnunum í símanum. Næst þegar ég ættlaði að hringja sá ég að hún var búin að setja mynd af sér á littla skjáinn og skrifa ÉG ELSKA ÖMMU. Þetta eru gullmolarnir mínir sem ég ættla að hlú að í það óendanlega. knús til þín elsku Bobba